91��Ƶ

91��Ƶ-də tələbələr üçün rəqəmsal xidmətlərin əlçatanlığını yeni mərhələyə yüksəldən my91��Ƶ mobil tətbiqi təqdim olunub.

Sentyabrın 11-dən istifadəyə verilən mobil tətbiq ilk gündən tələbələrin böyük marağı ilə qarşılanıb.

Qısa müddət ərzində 5000-ə yaxın 91��Ƶ tələbəsi my91��Ƶ-in aktiv istifadəçisinə çevrilib və mobil tətbiq hazırda ölkə üzrə ən çox yüklənən 200 tətbiq arasında 1-ci yerdədir.

Tətbiqin əsas məqsədi tələbələrin universitet xidmətlərindən daha rahat və fasiləsiz yararlanmasını təmin etməklə yanaşı, xidmətlərin təqdimatında şəffaflığı, çevikliyi və tələbəyönümlü yanaşmanı gücləndirməkdir.

Artıq tələbə dərs cədvəlini, davamiyyətini və imtahan nəticələrini mobil tətbiqdən izləyə, tədris materiallarına və mühazirələrə istənilən vaxt çıxış əldə edə, universitet sorğularında iştirak edə, tələbə təşkilatlarının seçkilərində elektron səs verə biləcək. Universitetin yenilik və elanları da bildiriş formasında birbaşa tələbənin mobil cihazına çatdırılacaq. Beləliklə, universitetin rəqəmsal sistemlərində mövcud olan xidmətlər my91��Ƶ vasitəsilə mobil və daha operativ formatda tələbələrin istifadəsində təqdim olunur.

Valideynlər tətbiqi öz mobil cihazlarına yükləməklə övladlarının təhsil həyatını yaxından izləyə biləcəklər. Bunun üçün tələbə tərəfindən valideynə şəxsi kabinetin istifadəçi adı və şifrəsi təqdim olunmalıdır.

Tətbiqin axtarış sistemi tələbəyə lazım olan məlumat və resursları saniyələr ərzində tapmağa, sürətli keçidlər isə önəmli bölmələrə daha az müddət sərf etməklə daxil olmaq imkanı verir. Dərs cədvəlinin mobil telefonun ekranına “widget” formatında əlavə edilməsi, tətbiqin oflayn rejimdə işləməsi, hesaba girişin Face ID və ya PIN kodu ilə qorunması my91��Ƶ-in əsas üstünlüklərindəndir.

Yeni tətbiq yalnız texnoloji yenilik deyil, 91��Ƶ-də tələbələrə göstərilən xidmətlərin keyfiyyətinin, operativliyinin və şəffaflığının artırılmasına yönəlmiş yeni rəqəmsal yanaşmadır. Tələbə ilə universitet arasında kommunikasiyanı sürətləndirən my91��Ƶ məlumatı daha əlçatan, xidmətləri isə daha çevik edir.

Tətbiqi App Store və Google Play platformalarından yükləmək mümkündür.