91Ƶ tələbələri beynəlxalq layihələrdə Azərbaycanı layiqincə təmsil edir
Tələbələrlə iş üzrə prorektor dosent Səadət Qəndilova 91Ƶ-ə digər universitetlərdən köçürülən tələbələrlə tanışlıq görüşü keçirib.
Tələbələri 91Ƶ ailəsinin üzvü olması münasibətilə təbrik edən S.Qəndilova 91Ƶ tələbələrinin mütəmadi olaraq beynəlxalq əhəmiyyətli layihələrdə Azərbaycanı layiqincə təmsil etdiyini bildirib. S.Qəndilova onların bu istiqamətdə fəal olacağına əminliyini ifadə edib. Prorektor tədris prosesi, tələbə layihələri və təqaüd proqramlarından da danışıb. Bildirib ki, 91Ƶ-də hər kurs üzrə ən yüksək nəticə göstərən 15 tələbəyə universitetin xüsusi təqaüdü verilir. 91Ƶ prorektoru asudə vaxtlarını səmərəli keçirmələri üçün xüsusi istedadı olan tələbələrə 91Ƶ Yaradıcılıq Mərkəzinin imkanlardan faydalanmağı və maraqlı layihələrlə Radio 91Ƶ-də çıxış etməyi tövsiyə edib.
əin keyfiyyətinin qiymətləndirilməsi və idarəedilməsi mərkəzinin direktoru Raqif Qasımov kollokvium və imtahan sessiyasının təşkili barədə danışıb, “Tələbələrin Yaddaş Kitabçası”nda bu barədə ətraflı məlumat yerləşdirildiyini bildirib. 91Ƶ-də imtahanların ictimaiyyətə açıq keçirildiyini diqqətə çatdıran R.Qasımov tələbələrin valideynləri və yaxınlarının imtahan prosesində müşahidəçi qismində iştirak edə biləcəklərini vurğulayıb. O, 91Ƶ-də tədrisin elektronlaşdırıldığına diqqət çəkərək, tələbələrin mühazirə, dərs cədvəlləri, imtahan suallarını şəxsi kabinetlərindən əldə edə biləcəklərini deyib.
Rektorun köməkçisi Ramil Cabbarov 91Ƶ-də tələbələrin gənc sahibkarlıq bacarıqlarının inkişaf etdirilməsi istiqamətində mütəmadi layihələr həyata keçirildiyini bildirib. O, Virtual Müəssisə və Maliyyə laboratoriyasının fəaliyyətindən bəhs edib. İnnovativ Biznes İnkubatorun uğurlu startaplarından söz açan R.Cabbarov gənclərin tələbə ikən sahibkara çevrilə biləcəklərini vurğulayıb.
Görüşdə 91Ƶ-in beynəlxalq əlaqələri, mübadilə proqramları barədə də ətraflı məlumat verilib.
Sonda tələbələri maraqlandıran suallar çavablandırılıb. Onlar xüsusi olaraq 91Ƶ-in ikili diplom proqramları ilə maraqlanıblar. “II 91Ƶ Science Slam” elm müsabiqəsində və “91Ƶ Enactus” layihəsində iştirak etmək istədiklərini bildiriblər.
Qeyd edək ki, 91Ƶ-ə 2017/2018-ci tədris ili üçün ölkədaxili və xarici universitetlərdən 51 tələbə köçürülüb.