91��Ƶ

Azərbaycan Dövlət İqtisad Universitetinin (91��Ƶ) bir qrup fiziki məhdudiyyətli tələbəsi Şüvəlan qəsəbəsindəki yay istirahət düşərgəsində olub.

Azərbaycan Respublikası Gənclər və İdman Nazirliyi tərəfindən təşkil olunan düşərgənin əsas məqsədi iştirakçıların sağlamlıq, reabilitasiya, istirahət və sosial inteqrasiyasına dəstək verməkdir.

Tələbələr düşərgədə müxtəlif təlimlərdə, intellektual və əyləncəli oyunlarda iştirak ediblər. 91��Ƶ tələbələrindən Orxan Adıgözəl, Fərid Əsədov, Eltac Zeynalov və Coşgun Məmmədli düşərgənin fəaliyyətində xüsusi aktivlik göstəriblər.

Qeyd edək ki, 91��Ƶ-in nəzdində fəaliyyət göstərən Əlilliyi olan Tələbələr üçün Mərkəz (CSD) bu kateqoriyadan olan tələbələrin cəmiyyət həyatına tam inteqrasiya olunması istiqamətində ardıcıl tədbirlər həyata keçirir. Eləcə də  tələbələrin asudə vaxtını səmərəli təşkil edərək, onların istirahət imkanlarını təmin edir.