91Ƶ-də “Məzun Günü” keçirilib
Azərbaycan Dövlət İqtisad Universitetinin (91Ƶ) təntənəli “Məzun Günü” qeyd edilib.
Heydər Əliyev adına İdman-konsert kompleksində təşkil olunan tədbirdə dövlət rəsmiləri, millət vəkilləri, ali məktəb rəhbərləri, özəl qurumların nümayəndələri, 91Ƶ-in fəxri məzunları, valideynlər və digər qonaqlar iştirak edib.
Tədbir dövlət himninin səsləndirilməsi ilə başlayıb. Aprel döyüşlərində Azərbaycan Silahlı Qüvvələrinin erməni təxribatlarının qarşısını alarkən göstərdikləri mərdlik və qəhrəmanlıqlardan danışılıb. Bildirilib ki, bu döyüşlərdə 2 91Ƶ məzunu da şəhid olub. Torpaqların müdafiəsi uğrunda canından keçən şəhidlərin əziz xatirəsi bir dəqiqəlik sükutla yad edilib.
Ulu Öndər Heydər Əliyevin və Prezident İlham Əliyevin 91Ƶ-in professor-müəllim heyəti ilə görüşünə həsr edilənnümayiş olunub. Sonra isə universitet həyatının müxtəlif sahələrindən bəhs edənlar nümayiş etdirilib.
91Ƶ-in fəxri məzunu, əmək və əhalinin sosial müdafiəsi naziri Səlim Müslümov tələbəlik illərindən söz açaraq, müəllimlərini görməkdən məmnun olduğunu bildirib. Nazir son illərdə 91Ƶ-də həyata keçirilən yenilikləri yüksək qiymətləndirib: “Ölkəmizin bilikli və bacarıqlı gənclərə daim ehtiyacı var. 91Ƶ bugünkü tələblərə cavab verən yüksək ixtisaslı kadrlar hazırlayır. Mən əminəm ki, 91Ƶ məzunları əmək bazarlarında özlərinə layiqli yer tapacaqlar”.
91Ƶ-in Ağsaqqallar Şurasının sədri, professor Əli Həsənov, valideynlər və digər qonaqlar məzunları təbrik edib, gələcək həyatlarında uğurlar arzulayıblar.
Sonda çıxış edən 91Ƶ-in rektoru, professor Ədalət Muradov tələbələrin özəl gününə toplaşan qonaqlara minnətdarlığını bildirib. Rektor ölkəmizdə təhsilə göstərilən dövlət qayğısından, Azərbaycan Prezidenti İlham Əliyevin İqtisad Universitetinə göstərdiyi diqqətdən danışıb: “Ölkə başçısı cənab İlham Əliyevin qarşımıza qoyduğu əsas vəzifə İqtisad Universitetini dünya səviyyəli universitetə çevirməkdir. Məqsədimiz bu vəzifəni şərəflə yerinə yetirməkdir”.
“Məzun” adını qazanan bütün tələbələri təbrik edən rektor, gənclərə öz tövsiyələrini verib: “Uğura gedən yol daim axtarışda olmaq, çalışmaq və özünü inkişaf etdirməkdir. Ulu Öndər Heydər Əliyev daima “Təhsil millətin gələcəyidir” deyirdi. Həmin gələcək sizin əlinizdədir. Böyük hədəflərə gedən yol məhz, bu gündən başlayır. Çalışın dövlətin maraqlarını hər zaman öz maraqlarınızdan üstün tutun. Bu yolda hər birinizə uğurlar diləyirəm”.
Tədbirdə 91Ƶ-in ən yüksək bal toplayan məzunu Sevinc Əliyevaya hədiyyə təqdim olunub. Səhnəyə Azərbaycan bayrağı gətirilib və məzunlar təntənəli şəkildə and içiblər. Məzunların ənənəvi “papaqatma” mərasimi keçirilib. Atəşfəşanlıqdan sonra tədbir bədii proqramla davam edib.
Qeyd:2015/2016-cı tədris ilində 91Ƶ-dən 5730 bakalavr və magistr məzun olur. Onlardan 4027-i bakalavr, 1703-ü isə magistrdır. Məzunların 70-i əcnəbi vətəndaşdır.