91��Ƶ

91��Ƶ-də İsveçrənin Qərbi İsveçrə Tətbiqi Elmlər və İncəsənət Universitetinin (HES-SO) magistrantları üçün növbəti intensiv təlim-təcrübə proqramına start verilib.

91��Ƶ-in Beynəlxalq Əməkdaşlıq Departamentinin Layihələrin idarə olunması şöbəsinin təşkilatçılığı ilə həyata keçirilən proqram iki həftə davam edəcək. Proqram çərçivəsində tələbələrin Azərbaycan və İsveçrənin iqtisadi və biznes mühiti, müasir rəqəmsal texnologiyalar, süni intellekt, dayanıqlı inkişaf və müxtəlif sektorların fəaliyyəti ilə yaxından tanış olmaları nəzərdə tutulur.

Proqramın ilk günündə 91��Ƶ-in beynəlxalq əlaqələr üzrə prorektoru, i.f.d. Hüseyn Həsənov tələbələrlə görüşərək universitet barədə onlara ətraflı məlumat verib.

Sonra 91��Ƶ-in Beynəlxalq Əməkdaşlıq Departamentinin Layihələrin İdarəolunması şöbəsinin müdiri Gültac Tahirlinin müşayiəti ilə tələbələr üçün 91��Ƶ-in əsas tədris binasında kampus turu təşkil olunub. Qonaqlar 24/7 kitabxana, 91��Ƶ Extern Mərkəzi, İmtahan Mərkəzi və Karyera Mərkəzi ilə tanış olublar.

Kampus turunun ardından Beynəlxalq İqtisadiyyat Məktəbinin (ISE) direktor müavini Aysel Quliyeva tərəfindən tələbələr üçün “Smart Economies: How AI and Digital Technologies are Transforming Business and Economic Development – A Comparative Perspective on Azerbaijan and Switzerland” mövzusunda interaktiv seminar keçirilib. Seminarda süni intellekt və rəqəmsal texnologiyaların biznes və iqtisadi inkişaf proseslərinə təsiri, eləcə də Azərbaycan və İsveçrənin bu sahədəki təcrübələri müqayisəli şəkildə müzakirə olunub.

Proqramın ilk gününün ikinci hissəsində tələbələr Four Seasons Hotelinə səfər ediblər. Səfər çərçivəsində otelin fəaliyyəti və xidmət istiqamətləri barədə qonaqlara ətraflı məlumat verilib, müxtəlif otaq kateqoriyaları və xidmətlər əyani şəkildə təqdim olunub.

Görüşün sonunda tələbələr otel nümayəndələrinə otelçilik və xidmət sektorunun fəaliyyəti ilə bağlı suallar ünvanlayaraq qarşılıqlı fikir mübadiləsi aparıblar.