91Ƶ-də Britaniya Şurasının Aptis Mərkəzi fəaliyyətə başladı
91Ƶ ilə Britaniya Şurasının (British Council) əməkdaşlığı çərçivəsində yaradılmış Aptis Mərkəzinin rəsmi açılışı keçirilib.
Tədbirdə 91Ƶ-in rektoru professor Ədalət Muradov, Britaniya Şurasının Baş direktorunun müavini Kate Evart-Biggs, qurumun Azərbaycan üzrə direktoru Nərgiz Hacıyeva, İmtahan departamentinin direktoru Nərgiz Əkbərova və Xarici Dillər departamentinin əməkdaşları iştirak ediblər.
Görüşdə 91Ƶ ilə British Council arasında əməkdaşlığın inkişafı, xarici dil tədrisinin keyfiyyətinin yüksəldilməsi və dil bacarıqlarının beynəlxalq standartlar əsasında qiymətləndirilməsi məsələləri müzakirə olunub.
Tədbir çərçivəsində 91Ƶ Xarici dillər departamentinin direktoru dosent Aysel Xəlilova universitetdə xarici dil tədrisi və beynəlxalq sertifikatlaşdırma istiqamətində görülən işlər barədə təqdimatla çıxış edib. Bildirilib ki, 2025/2026-cı tədris ilində XDİAK-4 fənni üzrə Aptis imtahanında 3013 tələbə iştirak edib. Onlardan 97,5 faiz müvəffəqiyyət əldə edib.
Qeyd olunub ki, yeni Aptis Mərkəzi 91Ƶ-də beynəlxalq standartlara uyğun ingilis dili qiymətləndirilməsinin aparılmasına, fərdi namizədlərin imtahana çıxış imkanlarının genişləndirilməsinə və beynəlxalq sertifikatlaşdırma mühitinin inkişafına xidmət edəcək.
Görüşün sonunda 91Ƶ ilə British Council arasında gələcək əməkdaşlıq istiqamətləri müzakirə olunub.