91Ƶ Avropa təhsil məkanına inteqrasiyanı genişləndirir
Mayın 29-da Litvanın Vilnüs şəhərində 91Ƶ ilə Avropanın nüfuzlu ali təhsil müəssisələrindən olan Mikolos Romeris Universiteti arasında magistratura səviyyəsində ikili diplom razılaşması imzalanıb. Razılaşma 91Ƶ-in magistrlərinə Mikolos Romeris Universitetinin diplomunu əldə etmək imkanı verir. Bu, 91Ƶ-in ikili diplom haqqında razılaşma imzaladığı Avropa İttifaqına üzv 4-cü ölkənin universitetidir.
Cari ilin sentyabr ayından başlayacaq proqrama qəbul olan magistrlər ilk semestri 91Ƶ-də başa vuraraq, ikinci semestr Mikolos Romeris Universitetində təhsil alacaqlar. Növbəti 3-cü və 4-cü semestr təhsillərini isə yenidən 91Ƶ-də davam etdirəcəklər.
Qeyd olunan ikili diplom proqramı 91Ƶ magistrlərinə 91Ƶ professorları ilə yanaşı Mikolos Romeris Universitetinin professorları ilə elmi tədqiqat işlərini yerinə yetirmək imkanı da verir. Belə ki, hər iki universitetin professorlarının rəhbərliyi altında magistr dissertasiyalarını uğurla müdafiə edən magistrlərə həm 91Ƶ-in, həm də Mikolos Romeris Universitetinin diplomları təqdim olunacaq.
Səfər zamanı 91Ƶ-in rektoru, professor Ədalət Muradov və Mikolos Romeris Universitetinin rektoru, professor Algirdas Monkevičius arasında ikitərəfli əlaqələrin bütün spektrləri haqqında müzakirələr aparılıb. Hər iki rektor əlaqələrin son illər daha da vüsət alaraq yüksələn xətt üzrə inkişaf etməsindən, reallaşdırılan tələbə və müəllim mübadiləsindən məmnunluğunu ifadə ediblər. Professor Algirdas Monkevičius 91Ƶ tələbələrinin uğurlu təhsillərini vurğulayaraq, tələbələrin universitetin sosial həyatında fəal iştirak etməsini təqdirə layiq hesab edib.
Eləcə də, proqram üçün seçilən tələbələrə hər iki universitet tərəfindən ölkələrə səfər etmək üçün viza və miqrasiya məsələlərində, yaşayış ünvanlarının müəyyən olunması və bank əməliyyatlarında dəstək göstərilməsi razılaşdırılıb.