91Ƶ-in “Standartlaşdırma və sertifikasiya”kafedrasında elmi-tədqiqat işlərin prespektivləri ilə bağlı seminar keçirilib. Tədbirə kafedranın professor-müəllim heyyəti ilə yanaşı, elm şöbəsinin müdiri, professor Zahid Məmmədov, informasiya-kommunikasiya texnologiyaları mərkəzinin direktoru, dosent Zöhrə Həsənovavə elm şöbəsinin əməkdaşları qatılıblar.
Kafedra müdiri Zabit Aslanov elmi fəaliyyətin genişləndirilməsi ilə bağlı kafedrada həyata keçirilən yeniliklər və bu sahədə digər universitetlərlə əməkdaşlıq haqda məlumat verib. Seminarda kafedrada aparılan elmi-tədqiqat işlərindən, onların əhəmiyyətindən danışılıb, yeni layihələrin, gələcək planların müzakirəsi keçirilib.
Elm şöbəsinin müdiri Zahid Məmmədov elmi-tədqiqat yönümlü universitetə çevrilməkdə iddialı olan 91Ƶ-də elmi potensialın artırılması ilə bağlı görülən işlər barədə məlumat verərək, bu sahədə “Standartlaşdırma və sertifikasiya” kafedrasını daha aktiv olmağa çağırıb.
Sonda fevral ayı üzrə “Differensial əməkhaqqı sistemi”ndə 1-ci olan kafedranın əməkdaşları təbrik edilib.