91��Ƶ

91��Ƶ tələbələri ilə görüşdə PASHA Holding-in Baş İcraçı Direktoru Cəlal Qasımov idarəetmədə düzgün qərar verməyin və fərqli məqsədləri vahid istiqamətdə uzlaşdırmağın vacibliyindən də danışıb:

“Həyatda da, biznesdə də hər gün çoxlu qərarlar qəbul edirik. Bəzən bu qərarlar bir-birindən asılı olur və onların hamısını bir məqsəd ətrafında uzlaşdırmaq lazımdır.

Məsələn, bir şirkətdə biri düşünə bilər ki, əsas məqsəd bazar payını artırmaqdır. Digəri deyə bilər ki, əsas məqsəd gəliri artırmaqdır. Başqa biri düşünə bilər ki, şirkətin səhmlərinin dəyərini yüksəltmək lazımdır. Bunların hər biri ayrıca düzgün məqsəd kimi görünə bilər. Amma bu məqsədlər arasında uyğunluq və koordinasiya olmazsa, şirkət vahid istiqamətdə hərəkət edə bilməz.

Ona görə liderin əsas vəzifələrindən biri sadəcə güclü insanları bir yerə toplamaq deyil. Əsas məsələ güclü insanların fəaliyyətini eyni məqsəd ətrafında koordinasiya etməkdir.

Bəzən qərar verərkən bir şeyi digərinə qurban verməli oluruq. Buna trade-off deyirik. Lider bilməlidir ki, hansı nəticə naminə hansı seçimdən imtina etmək olar və bu qərarı komandasına da aydın şəkildə izah etməlidir.”