91��Ƶ

91��Ƶ-ə qəbul olmuş tələbələrin qeydiyyatı başlayıb. 91��Ƶ-in 2-ci tədris binasında aparılan qeydiyyata tələbələrlə yanaşı valideynlər də qatılıb. Biznes və menecment fakültəsinin dekanı, dosent Mirağa Əhmədov, tələbə rektor Cabbar Hüseynli, universitetin tələbə təşkilatlarının rəhbərləri tələbələrlə və onların validenləri ilə görüşüb.
91��Ƶ ailəsi adından yeni qəbul olmuş tələbələri və valideynləri təbrik edən fakültə dekanı Mirağa Əhmədov universitet rektoru, professor Ədalət Muradovun salamlarını çatdırıb, 91��Ƶ-i seçdiklərinə görə onlara təşəkkürünü bildirib, uğurlu və mənalı universitet həyatı arzulayıb. M. Əhmədov universitetdə həyata keçirilən ən son yeniliklər, xüsusən elektron universitet modeli, meqa fakültələr, differensial əmək haqqı sistemi, dünya reytinq sistemində yeri və rolu, beynəlxalq əməkdaşlığı haqda geniş informasiya verib.
Tələbə rektor Cabbar Hüseynli tələbələrin daha yaxşı təhsil almaları üçün universitetdə yaradılan şərait haqda məlumat verərək, onların bacarıqlı kadr kimi yetişmələri məqsədilə görülən işlərdən, tələbələrin asudə vaxtlarının səmərəli təşkili üçün tətbiq edilən yeniliklərdən danışıb.
Tələbə təşkilatlarının rəhbərləri, 91��Ƶ könüllüləri 1-ci kurs tələbələrini auditoriyalarla tanış ediblər.
Sonda tələbə və valideynləri maraqlandıran suallar cavablandırılıb.
1-ci kurs tələbələri 91��Ƶ-i seçdiklərinə görə məmnun olduqlarını bildiriblər.
Qeydiyyat avqustun 25-ə kimi davam edəcək.