Kafedra müdiri: prof. Əhmədov Natiq Qarakişi oğluÜnvan: Bakı, A.Səhhət, 45 (IV korpus)
|
91Ƶ-in Elmi Şurasının 09.10.2019-cu tarixli iclasının EŞ-167 № qərarının icrasını təin etmək məqsədilə 03.02.2020-ci il tarixdən “Riyaziyyat” və “Statistika və ekonometrika” kafedraları birləşdirilərək “Riyaziyyat və statistika” kafedrasının yaradılıb.
“Riyaziyyat” kafedrası 1966-cı ildə yaradılmışdır. Lakin riyaziyyat fənni ötən əsrin 30-cu illərindən “Fizika və riyaziyyat” kafedrasının tərkibində tədris edilmişdir. Riyaziyyat kafedrasında Azərbaycanın tanınmış alimləri akademik Cəlal Allahverdiyev, AMEA-nın müxbir üzvləri Qoşqar Əhmədov, Arif Babayev və professor Əmir Həbibzadə çalışmışlar. Riyaziyyat kafedrasına prof. Tofiq Kərimov (1966-1977), dos. Adelaida Babayeva (1977-1987), prof. Hamlet İsaxanlı (1987-1991), prof. Nazim Musayev (1991-2009), fəxri professor Mustafa Qarayev (2009-2016) rəhbərlik etmişlər. Kafedranın professoru, Əməkdar elm xadimi Məməd Məmədov Azərbaycan Respublikası Milli Məclisinin deputatı və İqtisadi siyasət daimi komissiyasının sədri kimi fəaliyyət göstərmişdir. Kafedranın keçmiş əəkdaşları prof. Hamlet İsaxanlı Xəzər Universitetinin, prof. Əhməd Vəliyev Odlar Yurdu universitetinin rektorudur.
2016-cı ildən kafedraya riyaziyyat elmlər doktoru, prof. Natiq Əhmədov rəhbərlik edir. Professor Natiq Əhmədov AMEA-nın «Transactions» issue mechanics series of physical-technical and mathematical science” jurnalının redaksiya heyətinin, Bakl Dövlət Universitetində fəaliyyət göstərən FD 2.17 saylı dissertasiya şurasının üzvüdür və həin dissertasiya şurasının nəzdində fəaliyyət göstərən elmi seminarın sədridir.
Kafedranın müəllimləri tərəfindən iqtisadçılar üçün riyaziyyat üzrə onlarla dərs vəsaiti, metodik vəsait və proqram hazırlanmış və çap edilmişdir. Bir sıra xarici müəlliflərin dərslikləri kafedranın müəllimləri tərəfindən azərbaycan dilinə tərcümə edilmişdir. Kafedranın əəkdaşlarının elmi tədqiqat işləri riyaziyyat və mexanika üzrə nüfuzlu jurnallarda çap edilmiş, beynəlxalq konfranslarda məruzə edilmişdir. “Riyaziyyat” kafedrasının yerinə yetirdiyi elmi tədqiqat işlərinin bir çox nəticələri “Web of Sciense” və “Scopus” bazasına daxil olan impakt faktorlu jurnallarda dərc edilmişdir.
Kafedrada “Xətti cəbr və riyazi analiz”, “Xətti cəbr və analitik həndəsə” , “Xətti cəbr” , “Riyazi analiz”, “Riyazi analiz-1”, “Riyazi analiz-2”, “Kompleks analiz”, “Tətbiqi riyaziyyat”, “Mühəndis riyaziyyatı”, “Diferensial tənlik”, “Ehtimal nəzəriyyəsi və riyazi statistika” fənləri tədris edilir.
Statistika ixtisası üzrə ayrıca kadr hazırlığı universitetimizin fəaliyyət göstərdiyi bütün mərhələlərdə mövcud olmuşdur. XX əsrin 30-cu illərində bu ixtisas “Ümumiqtisad” kafedrasının tərkibində olsa da, 1938-ci ildən 2020-ci ilə qədər müstəqil “Statistika” kafedrası fəaliyyət göstərmişdir. “Statistika” kafedrasında tanınmış alimlər Qriqori İssakoviç Qonçarski, Əlibəy Rüstəbəy oğlu Sultanov, Ələkbər Quliyev, Şirzad Səfərov, Hacıbaba Ramazanov, Soltan Ələkbərov, Əli Kazımov, Nağı Tağızadə , Səid Ağamirzəyev Əlibəy Sultanov çalışmışlar. 1964-1969-cu illərdə kafedraya Sədi Hacıyev rəhbərlik etmişdir. S.M. Hacıyev Zaqafqaziyada statistika üzrə ilk elmlər doktorudur. “Statistika” kafedrasına sonrakı illərdə dos. Q.H.Məmədov (1969-1974), dos. R.S.Seyidov (1974-1979), dos. O.İ.İbrahimov (1979-1988), dos.R.Ş.Məmədov (1988-1993), dos. S.C.Əliyev (1994-2000) rəhbərlik etmişlər.
2000-ci ildən 2017-ci ilə qədər i.e.d., professor Sakit Məədi oğlu Yaqubov “Statistika” kafedrasına, 2017-ci ildən 2018-ci ilədək “Statistika və ekonometrika” kafedrasına rəhbərlik etmişdir. S.M.Yaqubov 120 adda dərc olunmuş elmi əsərin, dərslik, dərs vəsaitləri və metodik göstərişlərin müəllifidir. Prof.S.M. Yaqubovun rəhbərliyi ilə 19 nəfər elmlər namizədi, 1 nəfər elmlər doktoru alimlik dərəcəsi almışdır. Sakit Məədi oğlu Yaqubov ADİU-nun elmi işlər üzrə prorektorudur. O, hazırda Azərbaycan Respublikasında statistika üzrə yeganə elmlər doktorudur.
Beynəlxalq standartların tədris prosesinə gətirilməsi və bunun üçün zəruri sayılan tədris-metodiki vəsaitlər ölkə miqyasında bilavasitə “Statistika” kafedrasının professor-müəllim heyəti tərəfindən hazırlanmışdır. Bu vəsaitlərdə statistika xidmətinin beynəlxalq standartlara uyğunlaşdırılmasının konseptual əsasları öz əksini tapmışdır. “Statistika” kafedrasının hazırladığı tədris proqramları, metodiki vəsaitlər və dərsliklər respublikanın bütün dövlət və özəl ali və orta ixtisas məktəblərində istifadə olunur.
*
Kafedrada “Statistika”, “Tətbiqi statistika”, “Əhali statistikası”, “Sosial statistika”, “Maliyyə və bank statistikası”, “Əmtəə və xidmətlər bazarı statistikası”, “Müəssisələr statistikası”, “İqtisadiyyatda əəliyyatların tədqiqi”, “Ekonometrika”, “Statistik modelləşməyə giriş”, “Nəqliyyat və rabitə statistikası”, “Statistik proqram paketləri”, “Ev təsərrüfatı büdcələri statistikası” fənləri tədris edilir.
“Statistika” kafedrasının yetirmələri hazırda müxtəlif rəhbər vəzifələrdə çalışırlar: Natiq Əmirov – Azərbaycan Respublikası Prezidentinin Administrasiyasının “İqtisadi siyasət və sənaye məsələləri” şöbəsinin müdiri, Prezidentinin köməkçisi, i.e.n. Rauf Səlimov – Azərbaycan Respublikası Dövlət Statistika Komitəsi sədrinin müavini, i.f.d. Yusif Yusifov – Azərbaycan Respublikası Dövlət Statistika Komitəsi sədrinin müavini, i.e.n. MaisYusifov – Atatexnologiya Şirkətinin sədridir.
“İqtisadi kibernetika” kafedrası 1967-ciildə yaradılmışdır. Yarandığı vaxtdan “İqtisadi kibernetika” kafedrası prof. B.S.Musayevin rəhbərliyi altında iqtisadi kibernetika və iqtisadi sistemlərin optimal idarəedilməsi,iqtisadi və sosial sistemlərin fəaliyyətinin iqtisadi-riyazi modelləşdirilməsi, riyazi proqramlaşdırma və əəliyyatların tədqiqi istiqamətində tədris-metodiki və elmi-tədqiqat işləri aparmışdır. Prof. B.S.Musayev xalq təsərrüfatının və onun sahələrinin optimal idarə edilməsi istiqamətində apardığı elmi-tədqiqatlara görə 1984-cü ildə Azərbaycanın Dövlət mükafatına layiq görülmüşdür.Sonralar “İqtisadi kibernetika” kafedrasının adı dəyişdirilərək “Ekonometrika” adlandırılmışdır. 2011-ci ildən 2017-ci ilədək kafedraya dos. Y.İ.Hacızalov rəhbərlik etmişdir. Bu illər ərzində kafedra “Ekonometrika” adlı dərslik, “Riyazi proqramlaşdırma” adlı dərs vəsaiti , “EXCEL paketində iqtisadi-riyazi modellərin həlli” metodik vəsaiti nəşr etdirmişdir.
2017-ci ildə “Ekonometrika” kafedrası “Statistika” kafedrasına birləşdirilmiş və “Statistika və ekonometrika” adlandırılmışdır.2020-ci ildə “Statistika və ekonometrika” kafedrası “Riyaziyyat” kafedrası ilə birləşdirilmiş və “Riyaziyyat və statistika” kafedrası adlandırılmışdır.
“Riyaziyyat və statistika” kafedrası Rusiya Cənub Federal Universitetinin (keçmiş Rostov Dövlət Universiteti) riyaziyyat, mexanika və kompüter elmləri fakultəsi və Don Texniki Universitetinin “Riyaziyyat” və “Mexanika” kafedraları, Rusiyanın Plexanov adına Rusiya iqtisad Universitetinin “Situasiya mərkəzi”, Türkiyyənin Sakarya Universitetinin “Ekonometri” bölümü, Türkiyyənin İstanbul Universitetinin “Ekonometri” bölümü ilə əəkdaşlıq edir
Riyaziyyat və statistika” kafedrası 1) Funksional analiz və onun tətbiqləri, 2) Riyazi modellər və onun tətbiqləri, 3)Rəsmi statistika məlumatlarının istehsalında inzibati və irihəcmli məlumat mənbələrindən istifadə edilməsi və respodentlərə düşən statistik hesabat yükünün azaldılması perspektivləri.
“Riyaziyyat və statistika” kafedrasında hal-hazırda 37 nəfər professor-müəllim heyəti çalışır. Onlardan 2 nəfəri elmlər doktoru, professor, 1 nəfər elmlər doktoru, dosent, 19 nəfər fəlsəfə doktoru, dosent, 3 nəfər fəlsəfə doktoru, baş müəllim, 4 nəfər baş müəllim, 2 nəfər fəlsəfə doktoru, müəllim, 5 nəfər isə müəllimdir.
*
*